24მარ 2017 რა ეტაპებს მოიცავს GoodWeb-თან თანამშრომლობა?
ინოვაციურ იდეასთან, მოქნილ სერვისთან და ხელმისაწვდომ ფასთა პოლიტიკასთან ერთად, “Goodweb”-ი გამოირჩევა მომხმარებელთან ეფექტური, უშუალო კომუნიკაციით და კოორდინირებული, გუნდური მუშაობის პრინციპით. ამასთან, მზა დიზაინებისგან განსხვავებით, ჩვენთან ინდივიდუალური ვებგვერდის შექმნის პროცესი აერთიანებს სულ 6 ეტაპს და მასში ჩართულია ყველა არსებული დეპარტამენტი. მეტი ინფორმირებისთვის გადავწყვიტეთ წარმოგიდგინოთ პროცესების ზუსტი თანმიმდევრობა. მაშ ასე: შეხვედრა - რეგისტრაცია
თანამშრომლობა, რასაკვირველია, იწყება მომხმარებელთან შეხვედრით, სისტემაში დარეგისტრირებით, ინფორმაციის მიმოცვლით და მისი საჭიროებების, სურვილების გაცნობით.
მარკეტინგი
კლიენტის არსებულ მოთხოვნებზე დაყრდნობით, მარკეტინგის ჯგუფი იწყებს ვებგვერდის კრეატიული კონცეფციის შექმნას, შემდგომ კი განიხილავს მას კორპორატიული მომსახურების მენეჯერთან, დიზაინერთან და ტექნიკურ ჯგუფთან.
დიზაინი
ყველა დეპარტამენტისგან დადასტურებული კონცეფცია ინაცვლებს დიზაინერთან და იწყება ინდივიდუალური ვებგვერდის დიზაინზე მუშაობის პროცესი.
მომხმარებლის დასტური
დიზაინის პირველი ვარიანტის დასრულების შემდეგ, ის ეგზავნება დამკვეთს და მისი თანხმობის შემთხვევაში ვებგვერდი უკვე გადაინაცვლებს ტექნიკურ ჯგუფთან.
პროგრამირება
შემდეგ ეტაპზე, პროგრამისტების ჯგუფი იწყებს საიტის დიზაინის გადატანას სისტემაში. ვებგვერდისთვის სულის შთაბერვას და ფუნქციონალის გამართვას.
ვებგვერდის  სრულყოფა + ტრენინგი
საბოლოოდ, ხარისხის დეპარტამენტი იწყებს საიტის შევსებას ყველა საჭირო ინფორმაციით და ამავდროულად, მომხმარებელს უტარდება ტრენინგი სამართავ სისტემასთან დაკავშირებით.

აღნიშნული 6 ეტაპის გავლის შემდეგ, თქვენ უკვე გაქვთ სრულყოფილი, თქვენს საჭიროებებზე მორგებული ვებგვერდი, რომელიც მზად არის ფრთების გასაშლელად და ინტერნეტ სივრცეში საფრენად.




პოპულარული სიახლეები
სიტყვა „უჯიკეზე“, ალბათ, თქვენც ჩემსავით ყველასთვის საყვარელი ქართული ფილმი „იმერული ესკიზები“ გაგახსენდათ, თუმცა, დღეს ის არაფერ შუაშია. საკითხი, რომლის შესახებ ახლა უნდა მოგიყვეთ, ვებგვერდზე მამოტივირებელ შეტყობინებებს, ე.წ. web push notifications-ებს ეხება, მინდა აქვე გაგიმხილოთ, რომ მას ძალიან საინტერესო და მნიშვნელოვანი მისია აკისრია თქვენი და თქვენი მომხმარებლის ურთიერთობაში.
წარმოიდგინეთ, თქვენს წინაშე 3 კარია. თითოეული მათგანი განსხვავებულია და აბსოლუტურად თქვენს სურვილზეა დამოკიდებული რომლის სახელურს ჩამოწევთ, შეაღებთ და გადააბიჯებთ მის ზღურბლს. ალბათ, ბევრი ფიქრი არ სჭირდება იმას, რომლის მიღმა ისურვებდით ყოფნას. რა თქმა უნდა, იმ კარს აირჩევთ, რომელიც თქვენთვის უფრო მიმზიდველად გამოიყურება და გპირდებათ  საინტერესო თავგადასავლებით სავსე სამყაროში მოხვედრას, ან სასიამოვნო დასვენებას, ან თუნდაც მოგზაურობას მთელი მსოფლიოს ირგვლივ. აქ მთავარი ის არის, რომ იმას გაძლევდეთ, რაც თქვენ იმ მომენტში ყველაზე მეტად გჭირდებათ და გაინტერესებთ.
გაიხსენეთ, რა ხდებოდა XX საუკუნის მიწურულს და XXI საუკუნის დასაწყისში მარკეტინგის სფეროში, განსაკუთრებით კი საქართელოში. ან, იმ დამოკიდებულებაზე რას იტყვით, რაც მაშინ მარკეტერის საჭიროებას განსაზღვრავდა კომპანიაში. ახლა, აიღეთ ეს ყველაფერი და შეადარეთ დღევანდელ რეალობას. დიახ, თქვენ ახლა საოცარ განსხვავებას ხედავთ. ბევრი რამ შეიცვალა, თანაც საგრძნობლად, ეს კი სწორად განვითარებამ მოიტანა. ისიც უნდა აღინიშნოს, თუ რაოდენ ერთსულოვნად აღიარებენ დღეს კომპანიები მარკეტინგის კრიტიკულად აუცილებლობას კომპანიის არსებობისთვის. მეტიც, იმდენად გაზრდილია მისი როლი კომპანიის თუ ბრენდის შექმნის, განვითარების და შემდგომ პროცესებში, რომ ადამიანური რესურსის გარდა, დღის წესრიგში მარკეტინგის ავტომატიზაციის და სისტემატიზაციის საჭიროებაც დგება.
შემოგვიერთდით

top