წინასწარ შეგამზადებთ, რომ გზა იდეიდან ბიზნესად ჩამოყალიბებამდე არცთუ ისე ცოტა ეკალ-ვარდით არის სავსე. უნდა აღინიშნოს რომ, დღევანდელ ციფრულ სამყაროში, იდეის რეალიზების პროცესში, ბიზნეს ვებგვერდს ერთ-ერთი მოწინავე ადგილი უკავია, რასაც არაერთი უცხოური კვლევა ცხადყოფს. 2017 წლის ერთ-ერთი ასეთი კვლევის თანახმად, დგინდება რომ, მცირე ბიზნესის 71%-ს უკვე აქვს ვებგვერდი, 55%-ს 2016 წლიდან მოყოლებული, 17% - ი 2017 წლის ბოლომდე ჩაუშვებს რეალურ რეჟიმში, 4% კი, 2018 წლისთვის გეგმავს ამის გაკეთებას. ეს ციფრები ნამდვილად ნათელს ფენს ვებგვერდის საჭიროების კრიტიკულ მნიშვნელობას დღევანდელ მსოფლიოში.
დღესდღეობით, საქართველოში, ვებგვერდის შექმნის პროცესი ნამდვილად ვარდებით მოფენილ გზად იქცა, იმ მარტივი მიზეზის გამო, რასაც Goodweb-ის მიერ შექმნილი ქართული პლათფორმის სისტემა Skillers CMS ქვია. ამიტომ, მინდა გითხრათ, თქვენ მარტო არ ხართ.
- პირველი შთაბეჭდილება - ეს ყველგან მნიშვნელოვანია, მნიშვნელობა არ აქვს რეალურ ცხოვრებაში მიდიხართ პაემანზე თუ ვირტუალურ პაემანს უნიშნავთ მომხმარებლს თქვენს ვებგვერდთან. მაღალი ხარისხის და მომხარებელზე ორიენტირებულ (user experienced) ვებგვერდი უდაოდ მოგიტანთ სანდო და პროფესიონალის სტატუსს ვიზიტორების თვალში.
- ფორუმებზე განხილვა - თუ თქვენ გაქვთ ვებგვერდი, ეს ნიშნავს რომ თქვენზე ონლაინ საუბრების შანსი გაცილებით მაღალია, რადგან დღევანდელ „ციფრულ“ ადამიანს უყვარს სხვადასხვა სივრცეებში საკითხების განხილვა და ხშირად გამოცდილების გაზიარების ან მიღების მიზნით ამ გზას მიმართავენ.
- საძიებო სისტემაში ყოფნა - თუ გაქვთ ვებგვერდი, თქვენი პოვნა გაცილებით მარტივია, ამიტომ, ვალდებულიც კი ხართ იქ დახვდეთ მომხმარებელს სადაც გეძებთ. თუ არადა ალტერნატივების დრო ყოველთვის დგება.
ახლა კი დროა, დრამის ჯოხების ხმა გაისმას და გადავიდეთ მთავარზე. მაშინ, როცა უკვე მზად ხართ შეუდგეთ თქვენს საქმიანობას და გქონდეთ ვებგვერდი, Goodweb- ის გუნდი რამდენიმე, აუცილებლად გასათავლისწინებელ რჩევას გთავაზობთ:
- დომენი
- დიზაინი
- საძიებო სისტემა
განვიხილოთ თითოეულის მნიშვნელობა და საჭიროება
1. დომენის შერჩევა (ინტერნეტ მისამართი)
სამყაროში, შექმნის შემდეგ ხომ ყველაფერი სახელის დარქმევით გრძლედება. ბუნებრივია, თქვენი ბიზნესისთვის სახელი რეალურ სამყაროში უკვე შერჩეული გექნებათ, ასეთივე მნიშვნელოვანია ვირტუალურ სამყაროშიც მივანიჭოთ მას დომენური სახელი, ანუ ინტერნეტ მისამართი, რომელზეც უნდა მოგაკითხოთ თქვენმა პოტენციურმა თუ არსებულმა მომხმარებლებმა. ამ დროს მნიშვნელოვანია თქვენი ბიზნესის სახელი ემთხვეოდეს დომენურ სახელს, რადგან მარტივად მოხდეს იდენტიფიცირება. ამ მიმართულებით, Goodweb-ის გუნდს ორი ალტერნატივის საშუალებით დახმარება შეუძლია: პირველი - სერვისის ფარგლებში საჩუქრად მიიღოთ Goodweb-ის ქვედომენი gweb.ge (yourcompany.gweb.ge) ან მეორე - დაგეხმაროთ დომენის შერჩევასა და შესყიდვაში (.ge; .com; .org; და სხვ). აქ, პროფესიონალის ჩართულობა მართლაც მნიშვნელოვანია, რადგან სწორად განისაზღვროს ახალი დომენის შერჩევა, მით უფრო მაშინ, როცა თქვენი სასურველი დომენი უკვე დაკავებულია.(სასვენი ნიშნების გამოყენება, როგორიც არის დეფისი(-) არ არის რეკომენდირებული, მნიშვნელოვანია გამოყენების პირობების და პოლიტიკის დაცვა და სხვ).
2. დიზაინი
ვინაიდან და რადგანაც, Goodweb-ის გუნდში ერთხმად ვთანხმდებით რომ, მომხარებლისთვის ალტერნატივების შეთავაზებას დიდი მნიშვნელობა აქვს, რა თქმა უნდა, დიზაინის შემთხვევაშიც არ ვღალატობთ ამ პრინციპს. ამიტომ, ჩვენ 2 გზიდან ერთის არჩევის საშუალებას ვქმნით: პირველი - რომელიც უფრო მარტივი და სწრაფია - დიზაინის შერჩევა Goodweb-ის მიერ შემუშავებული შაბლონებიდან Skillers Templates. მისი გამართვა 30 წუთშიც კი არის შესაძლებელი და გაძლევთ საშუალებას დაიწყოთ „ცხოვრება“ ინტერნეტში. სიტყვა შაბლონმა შესაძლოა თქვენში სტატიკურობის და უსიცოცხლობის ემოცია გამოიწვიოს, თუმცა აქვე დაგამშვიდებთ, Skillers Templates- ის შემთხვევაში, თითოეული შაბლონი დიდი სიფრთხილით, სიყვარულით, ესთეტიური და უნიკალური დიზაინებით არის შექმნილი. გარდა ამისა, ის საშუალებას გაძლევთ, შეიტანოთ ნებისმიერი ტიპის ცვლილება ნებისმიერ დროს თქვენი სურვილისამებრ (ფერი, ზომა, ფუნქციონალი, მოდულები და სხვ). ასევე, ჩვენი სერვისი სხვა შაბლონზე გადასვლის შესაძლებლობას უფასოდ გაძლევთ.
რაც შეეხება მეორე ალტერნატივას, ეს უკვე დიდ და სასიამოვნო თავგადასავალს უკავშირდება - ინდივიდუალური დიზაინის შემუშავება - რომელზეც Goodweb-ის 4 დეპარტამენტი მუშაობს. გაყიდვების დეპარტამენტი ადგენს თქვენს საჭიროებებს, მარკეტინგის დეპარტამენტი ამ საჭიროებების და ტრენდების გათვალისწინებით ქმნის დიზაინის კონცეფციას, რომელსაც ვიზუალში ასახავს დიზაინერების გუნდი, ტექნიკური დეპარტამენტი კი ამ ყველაფერს ინტერნეტის სამყაროში რეალურ რეჟიმში გასაშვებად ამზადებს, ბოლოს კი, ჩვენი ხარისხის დეპარტამენტი უზრუნველყოფს ვებგვერდის პირველად გამართვას და ტრენინგს ვებ ადმინისტრირებაში, რის შემდეგაც, თქვენ უკვე თავისუფლად შეგიძლიათ მართოთ ვებგვერდი თავად, ქართული ადმინისტრატორის დამსახურებით (ენების გადართვის ფუნქცია ადაპტირებულია).
ასე, რომ არჩევანი თქვენზეა. კარგი დიზაინის აუცილებლობას Adobe-ის მიერ ჩატარებული კვლევითაც გავამყარებთ. კვლევის მიხედვით, მომხმარებლების 38% მომენტალურად ტოვებს ვებგვერდს თუ მისი ვიზუალური და ტექსტური შიგთავსი („ქონთენთი“), სტრუქტურა ან არქიტექტურა არამიმზიდველია, მაშინ როცა, მომხმარებლების 39% ვებგვერდს ტოვებს იმ შმეთხვევაში თუ ფოტოების გამო, ვებგვერდის ჩატვირთვას დიდი დრო სჭირდება. მობილურ და სხვა სმარტფონების ვერსიაზე დიზაინის მორგება (Responsive) მნიშვნელოვანია არამხოლოდ Google-ის საძიებო სისტემასა და რეიტინგში მოსახვედრად, არამედ მომხმარებლის გამოცდილების(User experience) მნიშვნელოვნად გასაზრდელად.
Goodweb-ის სერვისით სარგებლობის ფარგლებში, ჰოსტინგით სარგებლობაც უფასოა, ამიტომ, დამატებით, ფიქრი და რესურსის საჭიროება არ დგება თქვენი გეგმის წესრიგში.
3. SEO ოპტიმიზაცია
ყოველთვის გახსოვდეთ, ვებგევრდის შექმნით არ მთავრდება ყველაფერი და სრულებითაც არ ნიშნავს, რომ თქვენ ყოველდღიურად თავისუფლდებით მუდმივ განვითარებაზე ზრუნვისგან. რა თქმა უნდა, Goodweb-ის გუნდი არც ამ შემთხვევაში გტოვებთ მარტო დასახული ამოცანების წინაშე. ჩვენ შეგვიძლია მუდმივად მოგცეთ რეკომენდაციები და გარდა ამისა, სურვილის არსებობის შემთხვევაში, ჩავერთოთ თითოეული ამოცანის გადაწყვეტის გზების მოძიებაში და სხვა სამუშაო პროცესებში. იმისთვის რომ, საძიებო სისტემაში მოიპოვოთ ადგილი და დაწინაურდეთ, არც თუ ისე ცოტა შრომაა საჭირო. ამ დროს, მნიშვნელოვანია დიდი სიფრთხილის გამოჩენა, სწორად და ზუსტად განისაზღვროს თითოეული ნაბიჯი და მისი წინასწარი შედეგები. მნიშვნელობა არ აქვს, რასთან გვაქვს საქმე, იქნება ეს სპეციალური ლინქების არსებობა, სტატიები, საკვანძო სიტყვები (keywords) თუ სხვა უფრო რთული დეტალები. პროფესიონალის ჩარევის გარეშე, ნებისმიერი ქმედება როგორც წესი არათუ სასურველს, არამედ არანაირ შედეგს არ დებს.
გახსოვდეთ, როცა არ არსებობთ ინტერნეტ სამყაროში ეს ცუდია, მაგრამ, როდესაც არსებობთ მაგრამ არასწორი სახით, ეს გაცილებით უარესია.
ამიტომ, მნიშვნელოვანია წინასწარ განსაზღვროთ პროფესიონალთან ერთად მოსალოდნელი შედეგები და ყველა ის დეტალი ვებგვერდის შექმნისას, რომელიც განსაზღვრავს ვებგვერდის წარმატებას და ყველას ყურადღების ცენტრში მოხვედრას. გვიხარია, რომ ჩვენ მიერ შექმნილი ქართული პლათფორმა Skillers CMS, როგორც ბიზნეს ვებგვერდის, ასევე e-commerce-ის შემთხვევაში ამარტივებს ყველა ზემოთ ჩამოთვლილ პროცესებს და არამხოლოდ. რაც მთავარია, ქმნის კლიენტისთვის სასურველ შედეგებს.
