23აგვ 2017 როგორ უნდა აქციოთ მომხმარებლები თქვენი ბიზნესის მიმდევრებად ვებგვერდის საშუალებით!
ჩვენ სოციალური არსებები ვართ. ჩვენი ბუნებაა ვეკუთვნოდეთ ადამიანების ჯგუფს, რომლებთანაც ბევრი საერთო ინტერესი და გადაკვეთა გვაქვს.  ასეა ბიზნესშიც. თითოეული კომპანია ცდილობს შექმნას სოციუმი საკუთარი ბიზნესის ირგვლივ და გაზარდოს მისი საქმიანობა. ამისთვის, სხვადასხვა სტრატეგიულ ნაბიჯებს მიმართავენ, რომელთაგან ყველაზე ეფექტური და მომგებიანი 21-ე საუკუნის ციფრულ სამყაროში,  ინტერნეტ სივრცის სწორად გამოყენებაა, რის მთავარ ნაწილს ვებგვერდი და სხვა ციფრული ინსტრუმენტები წარმოადგენს. 

თანამედროვე მარკეტინგის ენაზე რომ ვთქვათ, მნიშვნელოვანია შექმნათ და აპოვნინოთ სასურველი „ტომი“  თქვენს მომხმარებელს ლოიალურობის ჯაჭვის და თქვენს შორის სასურველობის განცდის  გასამყარებლად.

როგორ უნდა შექმნა შენი ბიზნესის „ტომი“?

ვინაიდან და რადგანაც, ტომი ინდივიდთა გაერთიანებას წარმოადგენს საერთო ღირებულებებითა და კულტურით, მნიშნელოვანია შექმნათ სივრცე, სადაც მათი ერთმანეთთან დაკავშირებას და მათთვის საერთო იდეების გატარებას შეძლებთ.

რომ შევადაროთ ძველი და ახალი ადამიანი, ადრე, მათ კონკრეტულ ადგილას უწევდათ შეკრება და დამოკიდებულები იყვნენ ადგილმდებარეობაზე, ამინდზე, დროზე და სხვა დანარჩენ ფაქტორებზე.
21-ე საუკუნის ადამიანს კი, ინტერენეტის დამსახურებით არანაირი საზღვრები, დროითი სივრცე თუ სხვა დაბრკოლება არ გააჩნია.

ტომს არსებობისთვის ყოველთვის სჭირდება ინდივიდთა ერთობლიობა, ლიდერი და საერთო იდეა. თქვენ, თქვენი ბიზნესის საქმიანობით შეგიძლიათ მათ მიაწოდოთ იდეა, ანუ პროდუქტი და სერვისი, რომელიც აერთიანებთ მათ, შეუქმნათ, ლიდერი ანუ ის ციფრული ინსტრუმენტები, როგორიც არის მაგალითად ვებგვერდი, რომელიც მუდმივად გამოკვებავს მათ სიახლეებით, წარუდგენს ახალ საერთო იდეებს და ღირებულებებს. ასეთი გზით, ისინი არა მხოლოდ მომხმარებლებად იქცევიან, არამედ თქვენი ბიზნესის მიმდევრებად, რადგან, სწორედ ისინი გაავრცელებენ ინფორმაციას თქვენი პროდუქტის თუ სერვისის შესახებ.

ისევ პარალელი რომ გავავლოთ, ტომის წევრების ლიდერთან ურთიერთობას და თქვენი ბიზნესის ვებგვერდის მომომხმარებლებთან ურთიერთობას შორის, კომუნიკაციის ასეთ სახეს მივიღებთ:

•    ლიდერი -> ტომს = ვებგვერდი -> მომხმარებელს (როდესაც უყვები სიახლეების შესახებ)
•    ტომი -> ლიდერს = მომხარებელი ->ვებგვერდს(როდესაც გაქვს უკუკავშირი მომხმარებლისგან)
•    ტომის წარმომადგენელი -> ტომის წარმომადგენელს = მომხმარებელი -> მომხმარებელს (როდესაც იქმნება უკვე სოციუმი შენი ბიზნესის ირგვლივ და მიდის შენი პროდუქტის განხილვა)
•    ტომის წარმომადგენელი -> უცხო პირს = მომხმარეველი -> ახალ, პოტენციურ მომხარებელს (როდესაც შენი არსებული მომხმარებელი შენი ბიზნესის ინფორმაციის გამავრცელებელია)

სწორედ ამიტომ არის ყველაზე ეფექტური საშუალება დღევანდელ ციფრულ ერაში ვებგვერდის და სხვა ინსტრუმენტების გამოყენება. ის გაძლევს ყველაზე მნიშვნელოვანს - ინფორმაციის გავრცელების საშუალებას, ის გაძლევს ყველაზე  მთავარს - უკუკავშირს მომხმარებლისგან და ბოლოს, ის გაძლევს ყველაზე ძვირფასს - ურთიერთობას.

ამიტომ, აქციე შენი ვებგვერდი ლიდერად, დაანახე ყველას შენი საქმიანობის ღირებულებები და შემოიკრიბე შენი ბიზნესის ირგვლივ მიმდევრები!

ეს ხომ საბოლოო ჯამში მარკეტინგის ერთ-ერთი ძირითადი ფუნდამენტია?



გაინტერესებს როგორ?




FaceBook Twitter ბეჭდვა
პოპულარული სიახლეები
„უჯიკე“ მომხმარებელს, ანუ push notifications - ების გამოყენება მარკეტინგში
სიტყვა „უჯიკეზე“, ალბათ, თქვენც ჩემსავით ყველასთვის საყვარელი ქართული ფილმი „იმერული ესკიზები“ გაგახსენდათ, თუმცა, დღეს ის არაფერ შუაშია. საკითხი, რომლის შესახებ ახლა უნდა მოგიყვეთ, ვებგვერდზე მამოტივირებელ შეტყობინებებს, ე.წ. web push notifications-ებს ეხება, მინდა აქვე გაგიმხილოთ, რომ მას ძალიან საინტერესო და მნიშვნელოვანი მისია აკისრია თქვენი და თქვენი მომხმარებლის ურთიერთობაში.
კარი, რომელიც ყოველთვის გინდა შეაღო და ნახო რა ხდება მის მიღმა - Homepage
წარმოიდგინეთ, თქვენს წინაშე 3 კარია. თითოეული მათგანი განსხვავებულია და აბსოლუტურად თქვენს სურვილზეა დამოკიდებული რომლის სახელურს ჩამოწევთ, შეაღებთ და გადააბიჯებთ მის ზღურბლს. ალბათ, ბევრი ფიქრი არ სჭირდება იმას, რომლის მიღმა ისურვებდით ყოფნას. რა თქმა უნდა, იმ კარს აირჩევთ, რომელიც თქვენთვის უფრო მიმზიდველად გამოიყურება და გპირდებათ  საინტერესო თავგადასავლებით სავსე სამყაროში მოხვედრას, ან სასიამოვნო დასვენებას, ან თუნდაც მოგზაურობას მთელი მსოფლიოს ირგვლივ. აქ მთავარი ის არის, რომ იმას გაძლევდეთ, რაც თქვენ იმ მომენტში ყველაზე მეტად გჭირდებათ და გაინტერესებთ.
IT მარკეტინგში - ინფორმაციული ტექნოლოგიების გამოყენების 5 მიზეზი!
გაიხსენეთ, რა ხდებოდა XX საუკუნის მიწურულს და XXI საუკუნის დასაწყისში მარკეტინგის სფეროში, განსაკუთრებით კი საქართელოში. ან, იმ დამოკიდებულებაზე რას იტყვით, რაც მაშინ მარკეტერის საჭიროებას განსაზღვრავდა კომპანიაში. ახლა, აიღეთ ეს ყველაფერი და შეადარეთ დღევანდელ რეალობას. დიახ, თქვენ ახლა საოცარ განსხვავებას ხედავთ. ბევრი რამ შეიცვალა, თანაც საგრძნობლად, ეს კი სწორად განვითარებამ მოიტანა. ისიც უნდა აღინიშნოს, თუ რაოდენ ერთსულოვნად აღიარებენ დღეს კომპანიები მარკეტინგის კრიტიკულად აუცილებლობას კომპანიის არსებობისთვის. მეტიც, იმდენად გაზრდილია მისი როლი კომპანიის თუ ბრენდის შექმნის, განვითარების და შემდგომ პროცესებში, რომ ადამიანური რესურსის გარდა, დღის წესრიგში მარკეტინგის ავტომატიზაციის და სისტემატიზაციის საჭიროებაც დგება.
შემოგვიერთდით

top